Kryetari i LDK-së, Isa Mustafa ka thënë gjatë një ligjerate në Kolegjin “Universum”, se subjekti i tij është i gatshëm për koalicion paszgjedhor me të gjitha subjektet, pos PDK-së.
“Ne kemi biseduar me të gjitha subjektet politike, edhe me AAK-në, AKR-në, Partinë e Drejtësisë, Lëvizjen për Bashkim…për mënyrën e bashkëpunimit dhe jemi të hapur që pas zgjedhjeve të bëjmë koalicion. Mirëpo, me partinë e Thaçit, s’do të ketë koalicion”, ka thënë lideri i LDK-së.
“Thaçi, ia paft hajrin opozitës për 4 apo 8 vjet”, ka shtuar me ironi Isa Mustafa, derisa ka përsëritur se nuk do të ketë koalicion para zgjedhjeve me asnjë subjekt politik. Mustafa ka shtuar se në listën e partisë së tij mund të hyjnë edhe pjesëtarë të subjekteve të tjera si Partia SocialDemokrate, Ballit Kombëtar etj.
