Nadire Hoxha (AAK) dhe Leonard Shala (LVV) kanë shënuar nivelin më të lartë të pjesëmarrjes në diskutime në Kuvendin Komunale në Suharekë.
Përfaqësuesi i KDI-së, Naim Cahanaj thotë se pjesëmarrja në diskutim e anëtarëve të Kuvendit të Komunës së Suharekës në lidhje me pikat e rendit të ditës, në gjashtë mujorin e parë, ka qenë në trendin mesatare.
“Seanca e datës 30.05.2014 dhe 30.06.2014, ku në rend dite pos tjerash kanë qenë edhe shqyrtimi i projekt vendimit për miratimin e propozimeve të komisionit për dhënien e shpërblimeve “Emblema e Artë” dhe mirënjohjen “13 Qershori” si dhe shqyrtimi i projekt vendimit për miratimin e Planit Lokal për zbatimin e strategjisë për integrimin e komuniteteve Rom, Ashkali dhe Egjiptas 2009-2015 kanë shënuar nivelin më të lartë të pjesëmarrjes në diskutime nga ana e anëtarëve të Kuvendit të Komunës së Suharekës”, tregon Cahanaj për ‘PrizrenPress’.
Sipas tij, anëtarët e AAK-së në Kuvendin e Komunës së Suharekës në këtë periudhë kanë shënuar nivelin më të lartë të pjesëmarrjes në diskutime në seancat e mbajtura me 28.3 % të diskutimeve të përgjithshme të pasuar nga anëtarët e PDK-së dhe
LDK-së me nga 20.2 % të diskutimit të përgjithshëm./PrizrenPress.com/