17 C
Prizren
E martë, 11 Mars, 2025

Ndahet nga jeta “Partizani i vogël Velo”

Në moshën 90-vjeçare është ndarë nga jeta Konstandin Ropi, heroi i letrarizuar i subjektit të filmit “Partizani i vogël Velo”. Mbetur jetim që në fëmijëri Konstandin Ropi lindi në Leshnicë, Vithkuq në vitin 1930.

Prindërit iu vranë dhe ai u detyrua të dilte në mal partizan në moshën 12-vjeçare.

Është personazhi real i filmit të Kinostudios “Shqipëria e Re” që u kthye në heroin e filmit “Partizani i vogël Velo”.

Pas Çlirimit të vendit Ropi mësoi në shkollën ekonomike për kontabilitet në vitet 1947 – 1948. Më pas ka studiuar në shkollat ushtarake në Shkollën e Bashkuar.

Në Tiranë përfundoi Shkollën e Bashkuar të Oficerëve dhe njëkohësisht edhe Akademinë Ushtarake. Më pas, u dërgua me shërbim në Durrës ku shërbeu për shumë vite.

Pas daljes në pension u rikthye në vendlindje në Korçë.

Konstandin Ropi kishte në zotërim një arsenal dekoratash të marra për veprimtarinë e tij në luftë, si: medaljen e trimërisë, medaljen e flamurit, ndërsa në Moskë është dekoruar nga ish-presidenti rus Boris Jelcin me dekoratën e luftëtarit kundër Nazizmit.

Koco Ropi do të përcillet për në banesën e fundit në qytetin e Korçës në orën 14.00.

Më Shumë

Distria Krasniqi fiton medaljen e argjendtë në Upper Austria Grand Prix 2025

Distria Krasniqi zë vendin e dytë në Upper Austria Grand Prix 2025! Në xhiron e parë ishte e lirë, në xhiron e dytë ajo mposhti...

Selmanaj rrezikon të mbetet jashtë Kuvendit

Kryetari i  Lidhjes Demokratike të Kosovës (LDK) në Prizren, Driton Selmanaj  rrezikon të mbetet jashtë Kuvendit të Kosovës, pas numërimit të votave, përfshirë ato...

Lajmet e Fundit