(E plotësuar) Seanca Gjyqësore për rastin ‘Kleçka’ është ndërprerë për një kohë të pacaktuar derisa kryetari i Gjykatës së Apelit të merr vendimin për kërkesat e avokatëve.
Seanca Gjyqësore për rastin ‘Kleçka’ është ndërprerë për një kohë të pacaktuar derisa kryetari i Gjykatës së Apelit të merr vendimin për kërkesat e avokatëve. Sepse mbrojtja nuk është pajtuar me drejtimin e seancës nga ky kolegj gjykues.
Ndërkohë ndryshimet që janë bërë në ligj, trupi gjykues duhet të jetë me shumicë vendore, dy vendor dhe një ndërkombëtar, gjithashtu kryetari i trupit gjykues duhet të jetë vendor.
Ndërkaq arsyetimi i mbrojtjes ishte që të përjashtohen tre gjyqtar për shkak të jo paanshmërisë në seancën e djeshme trupi gjykues e në veçanti kryetari i trupit gjykues ka treguar jo paanshmëri.
Kërkesën për përjashtimin e trupit gjykues e ka paraqitur avokati mbrojtës i Fatmir Limajt Karim Kan.
“Ka qenë kërkesa që të përjashtohet trupi gjykues për shkak të jo paanshmërisë sepse në séancën e djeshme trupi gjykues e në veçanti kryetari I trupit gjykues ka treguar një jo paanshmëri në raport me mbrojtjen”, ka deklaruar Tahir Rrecaj, avokat mbrojtës i Fatmir Limajt.
Ai gjithashtu ka treguar se seancat janë shtyrë në një afat të pacaktuar, deri në një vendim të Gjykatës së Apelit. /rtk/
Khan i kërkon trupit gjykues ta diskualifikojë veten
Seanca e dytë gjyqësore për rastin “Kleçka” ka filluar me kohë ashtu siç ka qenë e paraparë.
Ende nuk kanë filluar të deklarohen dëshmitarët, ndërkohë, mbrojtja e Limajt, Karim Khan është duke shtruar ankesa dhe vërejtje ndaj kolegjit gjykues, e kjo lidhur me ditën e djeshme, pasi që, sipas tij, trupi gjykues ka marr rolin e Prokurorit.
“Mënyra sipas së cilës trupi gjykues ka bërë pyetje e ka marr rolin e prokurorit, me vjen keq por sjellja e trupit gjykues dje është karakterizuar me pyetje sugjestive dhe mungesë durimi”, ka thënë Khan para kolegjit gjykues, transmeton RTK.
Avokati Khan kërkoi nga trupi gjykues që ta diskualifikoj veten.
Ndërkohë pritet që ky kolegj gjykues të vendos a do të vazhdojë seanca sot apo do të shtyhet për ndonjë ditë tjetër.