Një person e ka humbur jetën në një aksident trafiku që ka ndodhur në rrugën Malishevë-Arllat, të hënën rreth orës 12:30.
Policia e Kosovës njoftoi se deri tek aksidenti ka ardhur pasi viktima, duke drejtuar veturën e tij ka humbur kontrollin dhe ka përfunduar jashtë rruge.
“Si pasojë e lëndime trupore ka pësuar vetë drejtuesi i cili ka ndërruar jetë në QKUK, ndërsa lëndime trupore ka pësuar edhe një pasagjer i cili është jashtë rrezikut për jetë”, thuhet në njoftimin e Policisë.
Me urdhër të prokurorit trupi i pajetë është dërguar në Institutin e Mjekësisë ligjore për obduksion.