22.8 C
Prizren
E enjte, 17 Korrik, 2025

Në koncertin humanitar në Prizren të Petrit Çekut u mblodhen 1,236 euro

Kitaristi i mirënjohur kosovar, Petrit Çeku, mbajti më 20 mars një koncert në Shtëpinë e Kulturës në Prizren, me qëllim që të gjitha të ardhurat që do të mblidheshin nga shitja e biletave t’i dhurohen shoqatës Down Syndrome Kosova, përkatësisht qendrës në Prizren.

Kjo qendër bën të ditur se nga shitja e biletave të këtij koncerti u mblodhën gjithsej 1236 euro, të cilat do të përdoren për ngritjen e cilësisë së shërbimeve për personat e prekur me Sindromin Down.

“Down Syndrome Kosova, qendra në Prizren, shpreh falënderimet më të përzemërta për Petrit Çekun, i cili bashkë me kontributin e jashtëzakonshëm për qendrën tonë solli edhe art të nivelit botëror në Prizren.
Gjithashtu, u jemi mirënjohës të gjithëve që kontribuuan në realizimin e koncertit, Fondacionit Lumbardhi, Shtëpisë së Kulturës, Teatrit Profesionist të Prizrenit, Studio Helix, Bubrrecat, AMM dhe Night Design Studio dhe mbi të gjitha, u jemi thellësisht mirënjohës të gjithë atyre qytetarëve të vullnetit të mirë që ishin mbrëmë në koncert”, thuhet në lajmërimin e shoqatës.

Përveç këtyre parave, ditë më parë nga shfaqja e disa filmave në DokuKino u mblodhën 381 euro.

Ky koncert, krahas disa aktiviteteve të tjera të ngjashme, u realizua në kuadër të fushatës për shënimin e ditës botërore të personave te prekur me sindromin down, që shënohet më 21 mars.

Më Shumë

Totaj fillon dëgjimet me qytetarë për hartimin e buxhetit 2026

Kryetari i Komunës së Prizrenit, Shaqir Totaj, ka nisur procesin e dëgjimeve buxhetore me qytetarë, në kuadër të hartimit të buxhetit komunal për vitin...

60 mijë euro investim në Dragash: Nis ndërtimi i rrjetit të ujësjellësit dhe kanalizimit Kapre–Rrenc

Ka nisur zyrtarisht realizimi i projektit për shtrirjen e rrjetit të kanalizimit dhe ujësjellësit përgjatë rrugës së asfaltuar Kapre–Rrenc, një investim i rëndësishëm për...

Lajmet e Fundit