Lidhja Demokratike e Kosovës(LDK) në Rahovec ende nuk ka marrë asnjë ofertë nga dy partitë (AAK) dhe (PDK),të cilat në zgjedhjet e 3 nëntorit kanë mbetur në balotazh.
Kryetari i Degës së LDK-së në Rahovec, Nahit Elshani, ka thënë se nuk kanë pasur kërkesë nga asnjëra prej këtyre dy subjektëve për të lidhë ndonjë koalicion të mundshëm. “Asgjë nuk mund të them pa pasur rezultatet zyrtare. Kur t’i kemi këto të fundit atëherë do të shohim. Për momentin nuk kemi oferta”, ka thënë Elshani për KD.
Sekretari i Degës së PDK-së, Xhemajli Haxhimustafa ka thënë ndërkaq se deri më tash nuk ka asgjë konkrete. “Jemi duke i pritur rezultatet. Pastaj Kryesia do të ulet dhe do t’i bëjë kalkulimet”.
Kandidati i AAK-së, Smajl Latifi, i cili është në balotazh me kandidatin e PDK-së, Idriz Vehapi tha se është herët të bisedohet për koalicione.”Do të shohim më vonë”.