Në Prizren ka filluar fushata për t’I dalë në ndihmë Abdullah Thaçit, I cili ditë mëparë u dënua me 5 mijë euro gjoë nga Gjykata Themelore në Prizre.
Postimi i plotë në “Facebook’
Kjo fushatë e nisur nga një grup i madh qytetarësh ka për qëllim grumbullimin e 5000 Eurove, si solidarizim me Abdullah Thaçin, i cili është dënuar me gjobë nga gjykata për shkak se e ka denoncuar korrupsionin e zyrtarëve publik.
Para disa ditësh, Gjykata Themelore në Prizren ka dënuar me 5000 euro gjobë Abdullah Thaçin, ish punëtor i bankës ProCredit. Faji i vetëm i tij ishte se zbuloi detaje të transaksioneve bankare, të cilat tregojnë se si drejtori komunal i arsimit në Prizren ka keqpërdorur paranë publike. Dënimi i Abdullahut është një rast tipik i frikësimit të qytetarëve, të cilët marrin guximin për të zbuluar korrupsionin. Përveç që është larguar nga puna tre vjet më parë, menjëherë pas zbulimit të këtij rasti, Abdullahu është detyruar të paguaj shuma të konsiderueshme gjatë tërë procesit gjyqësor. Ndërsa, gjatë gjithë kësaj kohe, gjetja e një vendi të punës ka qenë mision i pamundur për te.
Për të kundërshtuar praktikën e frikësimit të qytetarëve dhe në shenjë solidarizimi me Abdullahun, një grup i madh i qytetarëve kanë nisur këtë fushatë që synon grumbullimin e mjeteve për të paguar gjobën e caktuar nga gjykata. Duke i ndihmuar Abdullahut, dëshirojmë t’i inkurajojmë edhe qytetarët tjerë, të cilët janë në dijeni të rasteve të korrupsionit por ndjehen të frikësuar nga ndëshkimet. Nëse shteti nuk është të gjendje të ofrojë mbrojtje, e për më keq përdor mekanizma të frikësimit dhe ndëshkimit, atëherë qytetarët mund t’i dalin në mbrojtje njëri tjetrit.
Prandaj, u bëjmë thirrje të gjithë atyre që besojnë në shtetin e së drejtës, që brenda mundësive të tyre të ndihmojnë fushatën “Me Abdullah Thaçin” duke kontribuar financiarisht për grumbullimin e mjeteve të nevojshme.
Kontributet tuaja mund t’i depononi në xhirollogarinë e Abdullahut:
Banka: Banka Kombëtare Tregtare
Dega: Prizren
Mbajtësi i llogarisë: Abdullah Thaçi
Numri i llogarisë: 1911695541021123
Sëift kodi: NCBAXKPR
Në momentin që do të arrihet shuma prej 5000 Eurosh, në këtë faqe do të publikohet lajmi për përmbylljen e fushatës. Bashkë me të, do të publikohet edhe bilanci i xhirollogarisë, si dëshmi e arritjes së shumës së synuar.
Ju falemnderit të gjithëve,
Fushata “Me Abdullah Thaçin”