Me dy aktivitete të ndryshme, Drejtoria Komunale e Shëndetësisë në Prizren ka bërë shënimin e Ditës Botërore të Zemrës, raporton PrizrenPress
Me aktivitetin e realizuar në qendër të Prizrenit është synuar sensibilizimi dhe njoftimi i qytetarëve për rreziqet e sëmundjeve të zemrës si dhe masat për parandalimin e tyre, me ç’rast për qytetarët e interesuar është bërë edhe matja e shtypjes së gjakut nga ekipi mobil i QKMF-së i vendosur aty.
Gjithashtu, në hapësirat e QKMF-së është mbajtur edhe një ligjeratë me këtë temë për profesionistët shëndetësorë të këtij institucioni.
DKSH-ja mbetet e përkushtuar për mbrojtjen e shëndetit të qytetarëve duke synuar parandalimin e sëmundjeve të ndryshme dhe aktivitetet si këto janë hapa drejt realizimit të këtij synimi.
PrizrenPress.com