Në Katedralen “Zonja Ndihmëtare” në Prizren, u mbajt mesha kryesore e Ditës së Krishtlindjes. Ipeshkvi i Kosovës, Dodë Gjergji, përcolli mesazhin për dashuri, mirëqenie, gëzim dhe jetë më të drejtë dhe më të shëndetshme.
“Ne që e ndjekim në jetën e përditshme shembullin e Zotit, dhe ecim gjurmëve të tij, ne e qeverisim këtë paqe me Krishtin Zot”, tha Ipeshkvi i Ipeshkvisë së Kosovës, Dodë Gjergji, raporton televizioni publik.
Në këtë kult të shenjtë fetar në qytetin e Prizrenit, besimtarët e krishterë uruan njëri – tjetrin për shëndet e begati për ta dhe familjet e tyre.
Vizitat dhe aktivitete të drejtuesve të Katedrales “Zonja Ndihmëtare” do të vazhdojnë gjatë gjithë javës deri në ditën e ndërrimit të moteve.