Nëntogeri i Forcës së Sigurisë të Kosovës (FSK) Kushtrim Hoxha pas përfundimit të kursit bazik për artileri, nga data: 13.01.2020 e deri më 13.07.2020, në mesin e 382 kursantëve, diplomoi me sukses të lartë në Shkollën e Artilerisë dhe Raketave në Polatli të Turqisë.
Në këtë kurs ishin gjithsej edhe 17 kursantë të huaj nga të cilët oficer Hoxha zuri vendin e 3-të dhe mori Medaljen e Bronztë. Gjithashtu, nëntoger Hoxha për përkushtimin dhe mesataren e lartë të arritur gjatë kursit u zgjodh „Oficer Kursi Shembullor\”. Nëntor Hoxha ka ndjekur edhe ligjërata të ndryshme gjatë kursit, që do të jenë shumë të rëndësishme në rritjen e kapaciteteve dhe profesionalizimit të FSK-së
Ky sukses i nëntoger Hoxhës dhe oficerëve tjerë të FSK-së, që po shkollohen kudo në botë, janë me rëndësi për ngritjen e kapaciteteve dhe avancimin e FSK-së, në funksion të përmbushjes së misionit të ri, si forcë ushtarake dhe detyrave ligjore të saj.