Nesër fillon regjistrimi i nxënësve në klasën e parë dhe parafillore në shkollën “Abdyl Frashëri” të Prizrenit

Drejtori i shkollës  “Abdyl Frashëri” në Prizren, Alidin Xh. Flugaj, ka njoftuar se prej datës 15 maj deri më 15 qershor 2025, fillon  regjistrimi i fëmijëve në klasën e parë dhe në grupet parafillore për vitin shkollor 2025/26.

“Regjistrimi i nxënësve në klasën e parë do të bëhet çdo ditë pune nga ora 12:30 deri në 15:00, ndërsa për grupet parafillore, regjistrimi do të zhvillohet nga ora 11:00 deri në 12:00, në zyrën e psikologes së shkollës”, njofton ai.

Kushtet për regjistrim janë si më poshtë:

• Në klasën e parë mund të regjistrohen fëmijët që deri më 31 gusht 2025 i mbushin 6 vjet;

• Në parafillore pranohen fëmijët që deri më 31 gusht 2025 i mbushin 5 vjet.

Për regjistrim kërkohen këto dokumente:

1. Certifikata e lindjes;

2. Certifikata e vaksinimit;

3. Dëshmi për vendbanim nga bashkësia lokale (jo më e vjetër se 6 muaj).

Drejtori Flugaj u bën thirrje të gjithë prindërve të respektojnë afatet dhe të përgatisin dokumentacionin përkatës për të siguruar një proces të rregullt regjistrimi.

Marketing

Pizzeria “FAMIGLIA 1” në Prizren shpall konkurs për picamenë dhe kamarierë/e

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes