Shënohet një tjetër rast kur një fëmijë përfundon në komisariatet shqiptare për disa orë.
Këtë herë bëhet fjalë për nipin 7- vjeçar të Ilir Malindit, avokatit që u bë i njohur për përplasjen e tij me gazetarin Sokol Balla.
Pas padisë së bërë nga Balla, i cili e akuzonte Malindin se e ka kërcënuar, policia e ka ndaluar avokatin, ndërkohë që ai ishte me nipin e tij në një shëtitje.
Gjysh dhe nip kanë përfunduar në komisariat.
7- vjeçari ka qendruar aty për tre orë.
Policia e pranon këtë fakt, por thotë se ai ka qendruar në ambiente shumë të përshtatshme, në shoqërinë e një psikologeje.
Pasi të afërmit kanë mbërritur në komisariat, fëmija është larguar.
Ndërkohë avokati ka përgatitur vetë një padi ndaj Sokol Ballës.
“Kam bërë kallëzim në Gjykatën e Durrësit për Sokol Ballën për fyerje. Ai më ka çuar disa SMS, ku më fyen mua dhe familjen time,” thotë Malindi./Mapo/