Qeveria e Maqedonisë dhe Komuna e Prizrenit, kanë nisur hapat a parë për studimin e fizibilitetit të rrugës Prizren- Tetovë.
Kuvendi Komunal i Prizrenit, ndërkaq ka ndarë mjete për ta bërë fizibilitetin e pjesës së rrugës në Kosovë. Aktualizimi i kësaj teme ditë më parë u bë pas vizitës së kryetares së Tetovës në Prizren.
Kryetari i Prizrenit Ramadan Muja e pranon se ky projekt, edhe përkundër rëndësisë nuk do të mund të realizohet në një të ardhme të afërt.
Për kryetaren e Tetovës, Teuta Arifi, projekti i rrugës Prizren- Tetovë i kalon mundësitë e të dyja komunave, dhe njëra nga mundësitë e realizimit të këtij projekti janë ndihmat ndërkombëtare.
Ajo gjatë vizitës që ia ka bërë Prizrenit,ka thënë se kjo rrugë do të realizohet suksesshëm.
Ndër të parët që ka propozouar ndërtimin e rrugës Prizren – Tetovë, ishte Ruzhdi Rexha, i cili në katër vitet e kaluara mbajti pozitën e nënkryetarit të Komunës së Prizrenit./TV Opinioni/