Sot kanë filluar punimet për rehabilitimin e rrugës “Saraçët” në Prizren, një nga rrugët më të frekuentuara dhe me rëndësi historike e turistike për qytetin.
KLIKO VIDEON:https://www.facebook.com/PrizrenPress/videos/1256066368861200
Projekti përfshin vendosjen e kalldrëmit tradicional si dhe sinjalistikës rrugore, duke rikthyer kështu funksionalitetin dhe pamjen karakteristike të kësaj rruge, e cila prej kohësh kishte qenë e dëmtuar.
Kryetari i Komunës së Prizrenit, Shaqir Totaj theksoi rëndësinë e këtij projekti për jetën qytetare dhe turizmin lokal, duke shtuar se rruga “Saraçët” do të jetë shumë shpejt funksionale dhe e ndërtuar sipas standardeve të përshtatshme për të gjithë.
“Rruga ‘Saraçët’ është një ndër rrugët më të rëndësishme në qytetin tonë – dhe po i kthehet pamja dhe funksioni që e meriton”, u shpreh ai./PrizrenPress.com/
