22.8 C
Prizren
E hënë, 8 Gusht, 2022

Një aeroplan trajnues u rrëza midis ndërtesave të banimit në Bursa të Turqisë, dy të vdekur – banorët nxituan të dilnin nga shtëpitë e tyre

Një aeroplan me një motor u rrëzua të hënën në një zonë banimi në Bursa, një provincë veriperëndimore në Turqi.

Sipas mediave të huaja, përcjell Telegrafi, aeroplani po fluturonte pranë aeroportit Yunuseli, një qendër për fluturimet stërvitore kur u rrëzua.

Nuk dihen ende shkaqet e rrëzimit, ndërsa pas rrëzimit, ai është përfshirë nga zjarri.

Guvernatori i Bursës, Yakup Canbolat tha se një instruktor fluturimi dhe një pilot praktikant u vranë në aksident.

Pamjet nga vendi i ngjarjes treguan se flakët po ngriheshin midis ndërtesave ku u rrëzua aeroplani, me njerëz që nxituan të dilnin nga shtëpitë e tyre.

Guvernatori tha se aeroplani stërvitor civil ka të ngjarë të jetë rrëzuar për “një arsye teknike” pasi kushtet e motit ishin të përshtatshme për fluturimin.

Guvernatori u tha gazetarëve se përplasja dëmtoi gjithashtu dy shtëpi dhe dy automjete.

Në qershor të vitit 2021, një tjetër aeroplan stërvitor u rrëzua pranë të njëjtës zonë, duke rënë në një pemishte aty pranë.

Instruktori i fluturimit dhe piloti praktikant kishin pësuar lëndime në incidentin me një aeroplan Cessna. /Telegrafi/

Më Shumë

Komuna e Prizrenit paguan 124 mijë euro për avokat (VIDEO)

Organizata Democracy Plus ka nxjerrë se Komuna e Prizrenit ka paguar 124.926 euro për përfaqësim ligjor, ndonëse paguan edhe zyrtarë komunalë për këtë detyrë.   Në...

Nën magjinë e shfaqjes “Ëndrra e një nate vere”, u përmbyll mbrëmë “PrizrenFest”

Me një sukses të jashtëzakonshëm u përmbyllë edicioni i parë i “PrizrenFest”, me shfaqjen nga Shqipëria, “Ëndrra e një nate vere”, një nga komeditë...

Lajmet e Fundit