21.3 C
Prizren
E enjte, 18 Shtator, 2025

Një delegacion nga Austria viziton komunën e Rahovecit

Kryetari i Komunës së Rahovecit, Smajl Latifi, ka pritur në takim ambasadorin e Austrisë në Kosovës, Christoph Weidinger, kryetarin e Kuvendit të Austrisë së Ulët, Karl Wilfing, nënkryetarin Karl Moser dhe bashkëpunëtorët e tyre që ishin pjesë e këtij delegacioni.

Ambasadorit Weidinger dhe bashkëpunëtorëve të tij, kryetari Latifi u ka uruar mirëseardhje si dhe i ka falënderuar për mbështetjen që Austria i ka dhënë në vazhdimësi Kosovës.

“Gjithashtu, i njoftova për aktivitetet dhe planet e komunës së Rahovecit dhe shpreha gatishmërinë për thellimin e bashkëpunimit të ndërsjellë. Gjatë takimit bashkëbiseduam edhe për vlerat kulturore e turistike që ofron komuna jonë dhe për potencialet tona zhvillimore. Me theks të veçantë, bashkëbiseduam për mundësitë e vendosjes së urave të bashkëpunimit në të gjitha fushat, për të promovuar dhe shkëmbyer prodhimet tona bujqësore, në veçanti prodhimet e rrushit, verës, pemëve e perimeve”, ka bërë me dije Latifi.

 

Më pas kryetari Latifi dhe delegacioni nga Austria, vizituan verarinë “Bodrumi i Vjetër” me pronar Ruzhdi Haxhijaha, një shembull i mirë për ndërmarrësi dhe zhvillim biznesi në Rahovec dhe Kosovë.

Në fund të vizitës, kryetari Latifi ka falënderuar ambasadorin Weidinger dhe bashkëpunëtorët e tij dhe u pajtuan për gjetjen e mundësive të reja të bashkëpunimit, për të fuqizuar tutje marrëdhëniet ndërmjet Rahovecit dhe Landit të Austrisë së Ulët (Landtag von Niederösterreich).

Më Shumë

Gjendet mjet i pashpërthyer në murin e një shtëpie në Bellanicë të Malishevës

Një mjet i dyshimtë është gjetur në një shtëpi në fshatin Bellanicë të Malishevës. Rasti për mjetin e pashpërthyer që u has gjatë punimeve në...

Aksident mes 8 veturave në Zhur të Prizrenit

Tre persona kanë mbetur të lënduar nga një aksident mes tetë veturave të ndodhur pasditën e sotme në Zhur të Prizrenit. KLIKO VIDEON:https://www.facebook.com/PrizrenPress/videos/1487564235480956 Këtë e konfirmoi...

Lajmet e Fundit