Emërtimi i rrugës “Tirana” në Prizren është ndarë në dysh. Një pjesë e kësaj rruge do të mbajë emrin e deritashëm “Tirana”, ndërsa pjesa tjetër emrin e dëshmorit Ekrem Rexha-Drini.
Kuvendari i VV-së, Artan Abrashi ka kritikuar Komisionin e Emërtimeve për këtë mënyrë të emërtimeve të kësaj rruge.
“Familjarët kanë kërkuar që kjo rrugë ose të emërtohet në tërësi me emrin e “Drinit”, ose të hiqet krejt”, ka thënë Abrashi.
Anëtari i Komisionit, Alush Shala tha ndërkaq, se të gjitha emrat janë përfshirë në emërtimin e rrugëve.
“Jemi munduar t’i përfshimë të gjitha emrat. Ne e dimë se emrin e “Drinit” edhe sikur ta linim deri në Vërmicë është pak”, ka thënë Shala. /PrizrenPress.com/