21.8 C
Prizren
E martë, 23 Korrik, 2024

Një student në SHBA tentoi gabimisht të hynte në shtëpinë e huaj në lagjen ku jetonte, qëllohet për vdekje nga pronari

Një student në Universitetin e Karolinës së Jugut është qëlluar me armë zjarri, pasi e kishte ngatërruar me një hajn derisa u përpiq të hynte në shtëpinë e gabuar në lagjen ku jetonte.

Studenti i identifikuar nga zyra e kërkimit të qarkut Richland si Nicholas Anthony Donofrio, filloi vitin e dytë në Universitet javën e kaluar.

Donofrio me prejardhje nga Connecticut, u vra në orët e hershme të mëngjesit të shtunës në një shtëpi, disa blloqe larg kampusit të Universitetit në qytetit Columbia.

Policia thotë se fillimisht janë thirrur për dyshime për vjedhje, por kur kanë mbërritur në pronë, kanë gjetur trupin e viktimës në verandën e përparme.

“Pak para orës 2 të mëngjesit, oficerët u dërguan në bllokun 500 të South Holly për një vjedhje të raportuar në shtëpi. Gjatë rrugës, morëm një raport tjetër për të shtëna”, u tha nga policia.

Me të mbërritur në vendin e ngjarjes, policia gjeti një burrë të vdekur në verandë me plagë të armës së zjarrit në pjesën e sipërme të trupit.

“Informacionet paraprake tregojnë se Donofrio, i cili jetonte në South Holly, po përpiqej të hynte në shtëpinë e gabuar kur u qëllua për vdekje”, shtoi policia.

Siç raporton Independent, për ngjarjen ka nisur hetimi, por ende nuk bëhet i ditur emri i personit që ka tërhequr këmbëzën. /Telegrafi/

Më Shumë

Mes arbëreshëve të Tarantos, toka që ka mirëprit shqiptarët

Një enklavë shqiptare në zemër të Salentos. Është një nga itineraret e sugjeruara në vëllimin ‘Salenta e madhe’ për t’u zbuluar. Një udhëtim i...

Ndahet nga jeta neonatologia Vlora Ukimeri

Sot, në moshën 51 vjeçare, pas një sëmundje të rëndë është ndarë nga jeta Dr. Vlora Ukimeri, mjeke specialiste neonatologe në Spitalin e Përgjithshëm...

Lajmet e Fundit