22.8 C
Prizren
E shtunë, 15 Qershor, 2024

Nurkollari në ndarjen e çmimeve evropiane të filmit

Veton NurkollariDrejtori Artistik i DokuFest, Veton Nurkollari do të marr pjesë në natën e ndarjes së Çmimeve Evropiane të Filmit (European Film Awards) të shtunën më 7 dhjetor në Berlin të Gjermanisë.

European Film Awards prezantohet çdo vit që nga viti 1988 nga Akademia e Filmit Evropian dhe ka si qëllim të vlerësojë arritjet kinematografike evropiane. Çmimet ndahen në dhjetë kategori dhe janë të kufizuara në kinemanë evropiane si dhe producentët, regjisorët dhe aktorët evropian. Fituesit e këtij viti do të përzgjedhen nga më se 2 500 pjesëtarët e Akademisë Evropiane të Filmit.

Në qershor të këtij viti, Nurkollari u bë pjesëtar i Akademisë Evropiane të Filmit. Si pjesëtar, Nurkollari prezantoi programin e filmave SHORT MATTERS! në Dokufestin e këtij viti. Programi përfshiu filmat e shkurtër të nominuar për European Film Awards dhe poashtu u shfaqe në shumë festivale të tjera në botë. Ndër aktivitetet e tjera, Nurkollari votoj për filma për Çmimet Evropiane të Filmit,transmeton rtk.

I formuar në vitin 1988, Akademia Evropiane e Filmit tani bashkon profesionistë evropian të filmit me qëllimin e përbashkët të promovimit të kulturës filmike të Evropës. Gjatë vitit, EFA inicon dhe dhe merr pjesë në shumë aktivitete lidhur me politikën e filmit si dhe me aspektet e ekonomisë, artit dhe trajnimit.

Programi përfshin konferenca, seminare dhe punëtori, si dhe një qëllim të përbashkët për të ndërtuar një urë në mes të kreativitetit dhe industrisë. Këto aktivitete kulminojnë në prezantimin vjetor të Çmimeve Evropiane të Filmit, ku nderohen arritjet më të mëdha në kinemanë evropiane.

Më Shumë

Zyrtare: Marsel Ismajlgeci largohet nga Ballkani

Marsel Ismajlgeci është i larguari i radhës nga kampioni në fuqi i Kosovës, Ballkani. Mbrojtësi shqiptar ishte i huazuar te kampionët e Kosovës nga skuadra...

Projekti i bashkëfinancuar i mbjelljes së boronicës në Prizren: 2.4 hektarë të mbjella me sukses

Projekti i bashkëfinancuar nga Drejtoria e Bujqësisë dhe Zhvillimit Rural për mbjelljen e boronicës po vazhdon me sukses në territorin e Komunës së Prizrenit....

Lajmet e Fundit