Presidenti Barak Obama ka shpalosur një plan forcë të re për angazhimin më të thellë të Amerikës në Lindjen e Mesme. Obama duke folur në Asamblenë e Përgjithshme e Kombeve të Bashkuara, tha që shteti islam ISIS, e kupton vetëm gjuhen e forcës dhe se Shtetet e Bashkuara do të punojnë me një koalicion të gjerë të për ta shpërbërë këtë rrjet të vdekjes. Ky fjalim i tij vjen vetëm dy ditë pasi ai ka zgjeruar fushatën ushtarake amerikane në Siri dhe Irak, kundër shtetit islamik i njohur si ISIS ose ISIL.
“Sot, unë i kërkoj botës që të bashkohet në këtë përpjekje, kundër terrorit dhe mos të dorëzohet ndaj kërcënimeve, por të tregojë se e ardhmja u takon atyre që ndërtojnë atë, jo atyre që shkatërrojnë.”, ka thëne Obama.
Ai tha se nuk do të tolerojnë asnjë strehë të sigurt për terroristët. “Ne do të marrim masa kundër kërcënimeve ndaj sigurisë sonë dhe aleatëve tanë, duke ndërtuar një arkitekturë të bashkëpunimit kundër terrorizmit. Brutaliteti i terroristëve në Siri dhe Irak na detyron për të parë në zemër të errësirës”, ka thënë Obama.
Fushatën ushtarake kundër shtetit islamik, Obama e ka quajtur një urgjencë ku Shtetet e Bashkuara nuk kishin zgjedhje tjetër.