Oleksandr Usyk është tërhequr nga bisedimet me Tyson Furyn për një luftë për kampionin e padiskutueshëm të botës në kategorinë e rëndë të boksit.
Lufta ishte caktuar për 29 prill në Stadiumin Wembley në Londër dhe Usyk ishte pajtuar që fitimet të ndaheshin 70/30 në të mirë të Furyt.
Boks / Fury – Usyk: ‘Arrihet’ marrëveshja për meçin e madh
Por kërkesat për një rimeç të menjëhershëm bënë që bisedimet të ngecnin.
Kampioni i WBC-së Fury ishte kundër një klauzole për rimeç, derisa ekipi i Usyk tha se bënë gjithçka në dorën e tyre që lufta të ndodhte.
Gjatë fundjavës, ekipi i Furyt mendonte se marrëveshja ishte arritur plotësisht dhe madje po përgatiste për një komunikatë zyrtare.
Bashkëpromotori i Furyt, Frank Warren, shkroi në Twitter të dielën se lajmi se lufta të ndodhte ishte i pashmangshëm, por të hënën dy ekipet u fjalosën për klauzolën e rimeçit.
Boks / Usyk kapet me Furyn: O barkmadh lakmitar
Usyk, 36 vjeç, i cili është kampion i WBA, IBF dhe WBO, dëshiron ta ketë një klauzolë për rimeç në marrëveshje, sikur britaniku Anthony Joshua kur u përball me të në vitin 2021.
Joshuas iu dha mundësia ta rifitonte titullin në Arabinë Saudite dhe Usyk dëshiron ta ketë mundësinë e njëjtë nëse mposhtet.
Fury ndien se rimeçi është i panevojshëm, duke besuar se titujt e kategorisë së rënë mund të ndahen pasi të ketë përfunduar lufta për kampionin e padiskutueshëm të botës.
Bota nuk ka pasur kampion të padiskutueshëm në kategorinë e rënë që prej vitit 1999 kur Lennox Lewis e mposhti Evander Holyfieldin – ndërsa në epokën e katër divizioneve nuk ka pasur kurrë kampion që i ka mbajtur të gjithë katër brezat.