Bloggeri dhe opinionisti i njohur Olti Curri, ishte i ftuari i rradhës në emisionin ‘Da’SARA’ e gazetares Dasara Karaiskaj.
Ndër temat që u diskutua më shumë ishte ajo rreth faqeve anonime që ‘sulmojnë’ njerëzit publikë ose jo, pa patur një emër apo një fytyrë, duke ju referuar më shumë faqes ‘Vipat e Bllokut’. Olti i ka kritikuar gjithashtu ato portale që marrin për bazë ato që këto faqe anonime thonë.
“Ata mund të mendojnë për portalet e tyre se kanë CNN.com, por jo! Këtë gjë e bëjnë edhe portale të tjerë e të tjerë… Unë e kuptoj shumë mirë problemin e këtyre portaleve. Duan klikime, duan të nxjerrin ato tabulatet që i çojnë te sponsori”.
Thelbi i problemit sipas Currit, nuk qëndron tek këto faqe anonime, por tek portalet që e quajnë veten serioze. Nëse këto pseudo postime bëhen lajm tek portalet që pas kanë emra të njohur si Anila Basha, Andi Bushati, Blendi Fevziu etj, ky përbën problem sipas opinionistit.
“Jemi bërë si ata këngëtarët që bëjnë sa të duash balada, por duhet të bësh edhe një këngë reggaeton se përndryshe nuk bën dot koncert”, shprehet Olti.