Kryetari i Malishevës, Ragip Begaj është kritikuar nga opozita për aktivitete që po i mban me qytetarët e fshtrave të kësaj komune. Sipas përfaqësuesve të opozitës, Begaj po zhvillon aktivitete me ngjyrime politike.
Anëtari i VV-së në Malishevë, Muhamet Bytyçi tha se Begaj nuk po i njofton të gjithë qytetarët për aktivitetet që po i mban nëpër fshatra.
“Kur ishte në fshatin tim Begaj, unë as që e kam pasur ndonjë informatë. Po ashtu edhe shumica e bashkëfshatarëve nuk kanë qenë të informuar”, ka thënë Bytyçi, për KD.
Edhe kryetari i LDK-së Januz Kastrati dhe ai i PDK-së, Isni Kilaj, kanë akuzuar Begajn se këto tubime kanë motive politike.