Të pa lëkundur në qëndrime duke i thënë JO themelimit të Gjykatës Speciale mbetet opozita.
Deputeti i Vetëvendosjes, Rexhep Selimit, thotë se koalicioni qeverisës nuk i ka votat për ta kaluar këtë Gjykatë.
“Themelimi i kësaj Gjykate tenton që t’ia arrij që ta bëjë përgjegjëse Kosovën për spastrim etnik. E, spastrimi etnik është element thelbësor i gjenocidit gjë që asnjëherë në asnjë periudhë kohore nuk e ka bërë as Kosova, nuk e kanë bërë as shqiptarët, nuk e ka bërë as Ushtria Çlirimtare e Kosovës”, tha Selimi për RTK-në.
“Pak vite pas pavarësisë ne nuk guxojmë të votojmë pro heqjes së sovranitetit të shtetit tonë”, thotë Donika Kadaj-Bujupi nga AAK-ja.