Nënkryetari i AAK-së, njëherësh deputet i Kuvendit të Kosovës, Pal Lekaj, e ka ftuar Qeverinë të reflektojë karshi kërkesave të opozitës.
Ai në një intervistë për “Epokën e re”, ka thënë se për çështje të rëndësishme të shtetit Qeveria nuk ka të drejtë të vendosë. Sipas tij, për Asociacionin dhe Demarkacionin duhet ta thonë mendimin e tyre qytetarët nëpërmjet referendumit ose zgjedhjeve të parakohshme parlamentare.
Lekaj nuk i konsideron kushtëzim kërkesat e opozitës karshi pushtetit. Ai ka folur edhe për paraqitjen e tij të hënën në polici. Lekaj ka treguar se ishte ftuar nga policia për veprimet e tij në Kuvendin e Kosovës, por pastaj është liruar me procedurë të rregullt.