Partitë politike po synojnë të manipulojnë me veteranët e Ushtrisë Çlirimtare të Kosovës. Ato po tentojnë të bëjnë për vete këtë kategori në prag të zgjedhjeve të 8 qershorit.
Këtë tendencë thotë se e ka vërejtur OVL e UÇK-së e cila ka kërkuar pezullimin e procesit të verifikimit të veteranëve.
Por me këtë kërkesë nuk pajtohen të gjithë anëtarët e komisionit si dhe disa organizata të tjera.
Xhavit Jashari i cili është pjesë e komisionit për verifikim e quan të pakuptimt kërkesën për pezullim të procesit. Ai thotë se komisioni nuk është politik dhe se askush nuk mund të manipuloj me këtë proces.
“Ata që duan të jenë të jenë të politizum pavarësisht prej komisionit, pavarësisht prej fushatës do të jenë të politizum”, tha Jashari për KTV.
Edhe organizatat tjera janë kundër ndërprerjes së procesit të verifikimit.
Procesi i verifikimit të veteranëve ka nisur muaj më parë dhe ende nuk ka arritur të përfundoj as gjysmën e punës.