Gjykata Themelore e Prizrenit ia ka caktuar masën e paraburgimit prej 30 ditëve B.P. me dyshime se ka kërcënuar një zyrtar policor.
I dyshuari kishte shkuar tri herë në zyrat e Policisë për të marrë informata për djalin e tij, dhe më pas nëpërmjet telefonit e ka kërcënuar zyrtarin policor duke i thënë “ku je e tek je kam me të gjetë e ki me pa se kush jam unë, kam mu marrë me ty mirë, unë të gjej gjithqysh ty”.
“Me rastin e caktimit të paraburgimit, gjykata ka marrë parasysh rrezikshmërinë e veprës penale, pasi që i pandehuri dyshohet të ketë kanosur zyrtarin policor pikërisht për shkak punës dhe detyrës së tij zyrtare, dhe me lënien në liri të të pandehurit i njëjti mund të arratisen dhe t’i shmanget dhe të pengojnë procedurën penale- hetimore”, thuhet nga Gjykata.