Partia Demokratike e Kosovës(PDK) në Prizren, ka njoftuar se ka ndihmuar me pako ushqimore banorët e fshatit Skorobisht, i cili është në karantinë.
Ky subjekt politik, ka akuzuar kryetarin e Komunës, Mytaher Haskuka, se nuk po përkrahë banorët e këtij fshati.
“Fshati Skorobisht, ka mbetur në mëshirën e fatit dhe pa përkrahje nga komuna e Prizrenit”, thuhet në komunikatën për media.
“Askush nuk i dëgjoi thirrjet e banorëve, që pas rasteve të fundit me Coronavirus, jo vetëm që u izoluan por mbetën edhe pa ushqime”.
“Duke parë këtë gjendje, me ndihmën e njerëzve vullnetmirë, kemi dërguar dje pako ushqimore. Aksionet nga PDK, dega në Prizren nuk do të mungojnë”, përfundon komunikata e PDK-së në Prizren.