Shkruan: Nderim Gashi
Afrimi i mbajtjes se Kuvendit të VIII zgjedhor te LDK-se, Dega ne Prizren, qartëson alternativen që duhet mbështetë për te parin e Degës se LDK-se. Unë për disa arsye do votoja z.Hanefi Muharremin.
Arsyeja kryesore është se Muharremi ka qenë anëtarë i suksesshëm i qeverise lokale gjate viteve 2001-2007, e mbi te gjitha është dëshmua si person i pakorruptuar.
Me Hanefi Muharremi në krye të degës se LDK-se, nuk do mundin rivalet tanë të na klasifikojnë si anëtarë të ligës se parë të të korruptuarve, e as të ligës se dyte të të korruptuarve, nuk do mundin askush nga rivalet tanë të na thonë të korruptuar.
Në ketë drejtim do ruajmë traditën e mirë si degë e Prizrenit, do mbetemi edhe më tutje si alternativë antikorrupsion, alternativë që i duhet Prizrenit, për ta nxjerre nga bataku i korrupsionit Komunën e Prizrenit.
Po ashtu alternativa antikorrupsion, do përqafohet ne mënyrë plebishitare nga qytetare e Prizrenit, si shpëtim nga kjo e keqe qe ka kaplua çdo segment te jetës sonë (ju kujtoj aferat e fundit korruptive , në sektorin e shëndetësisë, publikimi i sms).
Prandaj, jam i sigurt që përfaqësuesit e anëtarësisë së LDK-se, ne Prizren do zgjedhin për të parin e Degës së LDK-së, alternativën antikorrupsion, e kjo alternativë e ka emrin Hanefi Muharremi.