Ka përfunduar seanca e shqyrtimit gjyqësor në rastin MTPT, të ndjekur penalisht nga EULEX, ku ndër të akuzuarit ëhstë edhe ish-Ministri i Transportit, Fatmir Limaj. Vendimi i vetëm është bashkimi i dy rasteve që ishin krijuar nga EULEX për të njëjtin hetim, MTPT1 dhe MTPT2.
Këtë për Express e ka konfirmuar avokati i Endrit Shalës, Arianit Koci. Ai ka thënë se beson në pafajësinë e klientit të tij, dhe pret që epilogu do të jetë pozitiv për të akuzuarit, duke thënë që deri tash organi i akuzës nuk ka sjell prova bindëse për akuzën që ka ngritur.
Avokati Koci ka thënë që seanca e radhës pritet që të mbahet pas katër muajsh.