Nën tingujt e muzikës patriotike dhe reshjeve e shiut, u përkujtuan të gjithë dëshmorë e luftës së fundit në fshatin Studençan.Në këtë tubim të organizuar nga OVL e UÇK-së dhe në bashkëpunim me Kryesinë e fshatit Studençan dhe subjektet e tjera politike që veprojnë në këtë fshat, morën pjesë edhe përfaqësues nga Komuna e Suharekës.
Kryetari i Komunës z.Sali Asllanaj para të pranishmëve foli për rolin që kemi ne në të ardhmën, në respektim të veprës së dëshmorëve.
Programi artistik u karakterizua me këngë artistike kushtuar dëshmorëve të fshatit, këngë korale dhe recitale me poezi nga nxënësit e Sh.F.M.U “Kongresi i Manastirit” në Studençan.
Fshati Studençan numëron 6 dëshmorë: Fetah Gega, Omer Gega, Ruzhdi Jupaj, Nehat Jupaj, Arif Gashi, Besnik Përzhaku dhe Ismet Kodra(Leshan) i cili ra heroikisht përkrah dëshmorëve të fshatit Studençan.
Gjithashtu nga fshati Studençan, figurojnë edhe 2 persona të zhdukur, për të cilët ende nuk dihet fati i tyre e ata janë Besnik Gega dhe Nebih Buqaj./therandapost.com