Më 24 gusht 1913, shteti i pavarur shqiptar formoi të parën gazetë zyrtare të quajtur “Përlindja e Shqipëniës”.
Gazeta vijoi të botohej dy herë në javë deri në vitin 1914. Drejtuesit e kësaj gazete ishin Dhimitër Berati, një nga figurat më të njohura të kohës, si edhe publicisti Mihal Grameno. Kjo gazetë është pararendësja e gazetës që më pas u quajt “Fletorja Zyrtare”.
Në këtë gazetë u botuan të gjitha ligjet e kohës, sikurse ai për administratën civile, kanuni i Zhurisë e shumë ligje të tjera në të gjitha fushat e jetës publike.
Drejtoria e Përgjithshme e Arkivave sjell një pamje të kësaj gazete dhe një shënim nga Ministri i atëhershëm i Financave, Gurakuqi, për mbulimin e shpenzimeve të kësaj gazete. Po ashtu, paraqitet ligji i përkohshëm i Administratës Civile të Shqipërisë nxjerrë nga Qeveria e Përkohshme e Vlorës dhe botuar në gazetën “Përlindja e Shqipëniës”./ atsh / KultPlus.com
![](https://ata.gov.al/wp-content/uploads/2023/08/369651334_707000831470128_6996930128651029989_n.jpg)
![](https://ata.gov.al/wp-content/uploads/2023/08/369700514_707001044803440_7927819418385085735_n.jpg)
![](https://ata.gov.al/wp-content/uploads/2023/08/369615858_707000991470112_3097313520797561576_n.jpg)