21.8 C
Prizren
E premte, 29 Mars, 2024

Personeli shëndetësor dhe të moshuarit në Prizren hezitojnë të vaksinohen

Doktori Arsim Berisha, ka thënë se vaksinimi në Prizren ka filluar sipas planit të Ministrisë së Shëndetësisë me 2 prill dhe po vazhdon në dy ndërrime.

Ai tutje ka shtuar se komuna e Prizrenit është furnizuar me 1270 doza të vaksinës dhe deri më sot, janë 672 persona që janë vaksinuar.

“Është për brengosje edhe mosgatishmëria e personelit shëndetësor që të mos vaksinohen, kjo nuk është në rregull që të transmetohet te qytetarët. 60 për qind të personelit shëndetësor kanë dilema, arsyet i dinë ata”, ka thënë ai.

Berisha ka bërë lutje që të gjithë të vaksinohen. Ai ka shtuar se është mjeku i parë që është vaksinuar në Komunën e Prizrenit.

“Ka muaj që bëjmë teste rapid për COVID-19. Testimet varijojnë, rreth 10 për qind e të testuarve dalin pozitiv. Ne kemi kontaktuar shumicën e 80-vjeçarëve dhe janë vaksinuar vetëm 270. Ne i kemi në stok mbi 500 doza. Ministria e Shëndetësisë duhet të punojë më shumë në aspektin publik që ta shfrytëzojnë këtë të drejtë. Ne kemi vetëm 24 mijë vaksina dhe kemi shfrytëzuar vetëm 10 mijë dhe sot është dita e 14-ë”, ka thënë ai.

https://www.koha.net/kosove/266727/personeli-shendetesor-dhe-te-moshuarit-ne-prizren-hezitojne-te-vaksinohen/

Më Shumë

Hajnat futen në tri shtëpi në Rogovë, vjedhin mijëra euro dhe stoli ari

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, sidomos kur mbesin...

Në SBASHK shtohen kërkesat për të rikthyer protestat e grevat

Në takimin e rregullt me kryetarët e nivelit komunal dhe të universiteteve që ka organizuar SBASHK-u janë zhvilluar biseda për situatën aktuale në arsim...

Lajmet e Fundit