Homazhe pranë kompleksit memorial në Prekaz ka bërë edhe ambasadori në largim i Shqipërisë, Islam Lauka dhe drejtues të partisë më të re Nisma për Kosovën. Lauka tha se nuk do të mund të largohej pa nderuar këtë familje.
Kurse, kryetari i Këshillit Kombëtar i Nismës për Kosovën, Jakup Krasniqi foli për sakrificën e kësaj familje, ndërkaq, Kryetari i Nismës, Fatmir Limaj vlerësoi lartë heroizmin e kësaj familje të dhënë 16 vjet më parë.
Fillojnë homazhet te Jasharajt
Një delegacion i Aleancës Kosova e Re ka bërë homazhe në kompleksin “Adem Jashari” në Prekaz të Skenderajt, në nderim të “Epopesë së UÇK” dhe heroizmit të familjes Jashari.
Deri më tani homazhe ka bërë edhe një delegacion i Komunës së Skenderajt, ku edhe shumë qytetarë të tjerë janë duke vazhduar të bëjnë homazhe.