24.8 C
Prizren
E enjte, 18 Gusht, 2022

Pesë persona ndalohen për 48 orë lidhur me përleshjen në gjykimin për krime lufte ndaj ish-komandantit “Molla e Kuqe

Me urdhër të prokurorit kujdestar Fatos Ajvazi, pesë persona janë ndaluar për 48 orë për shkak të përleshjes fizike në seancën e së enjtes në Gjykatën Themelore në Prizren, në gjykimin ndaj të akuzuarit për krime lufte, Remzi Shala, i njohur me nofkën “Molla e Kuqe”.

Lajmin e ka konfirmuar për “Betimi për Drejtësi“,vet prokurori kujdestar Ajvazi.

 

Përleshja fizike në gjykimin për krime lufte ndaj ish-komandantit “Molla e Kuqe”, ndalohen 8 persona

(Përditësuar, ora 14:40)- 8 persona janë ndaluar në polici, për shkak të përleshjes fizike në seancën e së enjtes në Gjykatën Themelore në Prizren, në gjykimin ndaj të akuzuarit për krime lufte, Remzi Shala, i njohur me nofkën “Molla e Kuqe”.

Lajmin për “Betimi për Drejtësi” e ka konfirmuar prokurori kujdestar Fatos Ajvazi, i cili tha se janë duke u shikuar video-incizimet e siguruara nga gjykata, për të proceuar më tutje me rastin.

 

 

Përleshje fizike në sallën e Gjykatës në Prizren, i akuzuari për krime lufte e gjuan me shishe të dëmtuarin

Prizren- I akuzuari për krime lufte, Remzi Shala, i njohur me nofkën “Molla e Kuqe”, gjatë seancë së sotme në Gjykatën Themelore të Prizrenit ka sulmuar me shishe palën e dëmtuar.

Pas këtij veprimi ka filluar përleshje fizike mes të akuzuarit dhe palës së dëmtuar , derisa më pas ka ndërhyrë policia.

Eskalimi i situatës ka ndodhur gjatë seancës kur i demtuari i thotë të akuzuarit “mos shaj se don me marr veten në qafe”, pas këtij momenti i akuzuari i gjuan me shishe të demtuarit.

Pas kësaj ngjarje të pazakontë seanca është ndërprerë, raporton “Betimi për Drejtësi”.

Ndryshe, Gjykata Themelore në Prizren, në korrik të 2019-ës, kishte marrë aktgjykim, me të cilin të akuzuarin Shala e kishte shpallur fajtor për veprën penale krime lufte kundër popullatës civile, duke e dënuar me 14 vjet burg.

Pas ankesës së mbrojtjes, Gjykata e Apelit e kishte ndryshuar aktgjykimin e shkallës së parë, duke ia zbritur dënimin Shalës në 10 vjet burgim.

Kërkesë për mbrojtje të ligjshmërisë në Gjykatë Supreme kishte parashtruar mbrojtësi i të akuzuarit, avokati Natal Bullakaj.

Gjykata Supreme, në maj të vitit 2020 e kishte kthyer rastin në rigjykim në shkallën e parë.

Ish-komandanti i UÇK-së, i njohur si komandant “Molla e Kuqe”, akuzohet nga Prokuroria Speciale e Republikës së Kosovës (PSRK), për vrasjen e një civili gjatë luftës së fundit në Kosovë.

Shala akuzohet nga PSRK se gjatë kohës së luftës në Kosovë, më 26 qershor 1998, duke vepruar si pjesëtar i Ushtrisë Çlirimtare të Kosovës (UÇK), së bashku edhe me disa pjesëtarë tjerë të paidentifikuar, kanë marrë nga shtëpia e tij, viktimën Haxhi Përteshi.

Gjithnjë sipas aktakuzës, Remzi Shala, i cili ishte i vetmi pa maskë në kokë, së bashku edhe me 5-6 pjesëtarë tjerë të UÇK-së, të maskuar, nën dyshimin se i ndjeri ishte bashkëpunëtorë i forcave serbe, kanë shkuar në fshatin Duhël dhe të njëjtin e kanë dërguar në një vend të panjohur.

Në aktakuzë thuhet se djali i viktimës, Agron Përteshi, i kishte parë ata të largoheshin, së bashku me babanë e tij, në drejtim të fshatit Grajqevc dhe pas disa dite trupi i pajetë i të ndjerit ishte gjetur në afërsi të rrugës, afër qendrës së fshatit Duhël. /BetimipërDrejtësi

She?nim: Personat e pe?rmendur ne? ke?te? artikull konsiderohen te? pafajshe?m, pe?rvec? ne?se nga gjykata ve?rtetohet se jane? fajtore? me vendim te? forme?s se? prere?.

Më Shumë

Rexhaj i VV-së: Le të paguajë KEDS, në fund të fundit për këtë dhe e ka kontratën

Deputeti Arbër Rexhaj i VV’së ka bërë përgjegjës kompaninë KEDS për situatën e krijjuar me reduktime pasi e ndaluan importin për shkak të çmimeve...

E papërsëritshmja, Madonna sot feston 64 vjetorin e lindjes

Madonna sot është plot 64 vjeçe. Këngëtarja legjendare sot ka ditëlindjen dhe kësisoj nuk ka se si mos ta kujtojmë ikonën e popit botëror dhe...

Lajmet e Fundit