Shkruan:Zenun Rusi
Aktuaiteti politik ndërkombëtar, edhe sot në vazhdimësi karakterizohet me luftra lokale në skenë, kurse në prapaskenë në llogari të atyre që i flijojnë duke u premtuar, bëhen përpjekje për krijimin e blloqeve të reja të imponimit dhe dominimit.
Ballkani nga dominimi i padrejtësive është i tenisionuar.Shtetet e Bashkuara të Amerikës që kanë dominuar me të madhe në botë, për të pasuruar fondin e eksperimenteve politike, proklamojnë një rend të ri botëror, pa luftra dhe zgjedhje te konflikteve me dialog.
Ne, populli i ndarë dhe shumica të poshtuar në mënyra të ndryshme, po tentojmë qe me veprimet tona bordushiane të hipnotizojmë botën. Ju dhamë mundësinë disa njerëzve politikë, që pastaj improvizuan një shtet në të cilin i ngrysim ditët e i ndërrojmë stinët e vitit duke imituar.
Nga UNI për pushtet politika kosovare dhe institucionet e lekundura qe ditët e fundit vetem po imitojnë funksionalitetin e tyre. Kjo gjendje nëpër të cilën po kalon vendi sigurisht që Kosova është në një gjendje jo të mirë në pozitën ndërkombëtare. Edhe pse sot njhet nga 108 shtetet anëtare të OKB-së, ndërsa vetë është anëtare e disa organiyatave ndërkombëtare.
Mosgadishmeria e udhëheqësve politik për formimin e institucioneve, dirigjimi i gjykatës kushtetuse nga politika, mosgadishmëria e presidencës për ndërhyrje, janë arësye shtesë ku pozita nderkombëtare e Kosovës do të sfidohet në vështirësi të procesit së njohjës që janë pasojë e kundershtimit të fortë të pavarësisë nga një shtet anëtar i përhershëm i Këshillit të Sigurimit te OKB-së (Rusisë) dhe pesë vende anëtar të Bashkimit Evropian ( Greqia, Qiproja, Spanja, Rumania dhe Sllovakia).
Këshilli Evropian ne Kopenhagë (1993) caktoi disa kritere për shtetet aspirante që synojnë antarësimin në BE.
“Anëtarësimi kërkon që vendi kandidat të ketë arritur stabilitet të institucioneve që garantojnë demokraci, sundim të ligjit, respektim të të drejtave të njeriut, mbrojtje të pakicave, ekzistencën e ekonomisë funksionale të tregut, ashtu si edhe kapacitetin për t’u ballafaquar me presionin konkurrues dhe forcat e tregut brenda unionit. Anëtarësimi presupozon aftësinë e kandidatit që të marrë obligimet e anëtarësimit, përfshirë edhe zbatimin e qëllimeve politike, ekonomike dhe monetare të unionit”.
Këto kritere u grupuan në tri kategori të përgjithshme, varësisht nga natyra e tyre:
Kriteri politik, ekonomik dhe juridik.
Këto janë kriteret që vendi ynë po dështon në përmbushje për ti hapur rrugë synimeve drejt Bashkimit Evropian.