Katër persona janë arrestuar në rajonin e Prizrenit. Tre prej tyre janë arrestuar në Rahovec, kurse një në Prizren.
Policia e Kosovës njofton se pas hetimeve të zhvilluara janë identifikuar dhe arrestuar dy persona për kultivim të bimëve narkotike në Rahovec. Të njëjtit pas intervistimit me urdhër të prokurorit janë liruar në procedurë të rregullt.
Po në ketë qytet është arrestuar një person tjetër pasi që i njëjti ka sulmuar fizikisht një femër zyrtare në një Bank lidhur me një borxh. Me urdhër të prokurorit i dyshuari është dërguar në mbajtje.
Kurse, arrestimi i një personi në rrugën “Haki Taha” në Prizren, është bërë në bazë të urdhëresës së lëshuar nga Gjykata Themelore. I njëjti është dërguar në vuajtje të dënimit në burgun e Prizrenit. /PrizrenPress.com