Mbi 750 kilogramë drogë është kapur nga Policia e Kosovës përgjatë vitit 2014. Njësiti për hetimin e trafikimit me narkotik ka realizuar me dhjetëra operacione ku ka arritur të gjejë dhe të konfiskoi droga të llojit të ndryshëm.
“Gjatë aktiviteteve të hetimit të trafikimit me narkotik në Kosovë janë konfiskuar: 722 kg e 839 gr marihuanë, 9 kg e 300.44 gr heroinë, 21 kg e 104 gr kokainë, 6 930 bimë kanabis sativa si dhe 5 kg e 955gr droga të tjera”, kanë deklaruar për Gazetën Tribuna zyrtarët policor pranë drejtorisë për hetimin e drogave./Tribuna/