Policia në Prizren ka bërë të gjitha përgatitjet që siguria të jetë në nivel gjatë kohës sa do të mbahet mbledhja e dy qeverive në Prizren.
Zëdhënësi i PK-së, Hazir Berisha tha se policia do të përgatitet që të shtunën të shkojë çdo gjë në rregull.”Për këtë takim është biseduar sot, por ende nuk dihen detaje rreth tij. Policia do të jetë e përgatitur, që të shtunën të jetë gjithçka në rregull”, tha Berisha.
Qeveria e Republikës së Kosovës dhe ajo e Shqipërisë edhe zyrtarisht kanë caktuar të shtunën ditë kur do ta zhvillojnë mbledhja përbashkët, por detaje rreth agjendës dhe vendit ku do të mbahet nuk janë dhënë.
Kryetari i Komunës së Prizrenit Ramadan Muja, ndërkaq ka shprehur besimin se në të ardhmen do të mbahen mbledhje të përbashkëta edhe me qeverinë e Maqedonisë. /PrizrenPress.com/