Analistët vlerësojnë se nëse nuk ka dialog dhe nëse Qeveria nuk e dëgjon opozitën, por injoron shqetësimet e saj, atëherë konfrontimi nga Kuvendi do të marrë përmasa më të gjera
Polarizimi në mes të pozitës dhe opozitës, rreth marrëveshjeve të 25 gushtit, dhe lakmia e madhe për pushtet nga të dyja palët, por pa gatishmërinë për një dialog të mirë- filltë, sipas analistëve politikë dhe ekspertëve të sundimit të ligjit, po rrezikon që të ngritë akoma më shumë tensionet politike në vend, deri në shpërthimin e një konflikti të ashpër civil.
Mosrespektimi i ligjit dhe institucioneve, mund të shkaktojë anarki. Analisti politik, Nexhmedin Spahiu konsideron se kjo situatë mund të zgjidhet vetëm me dialog politik mes liderëve, derisa, sipas tij, institucionet e rendit, në këtë rast policia, as që do të mund të marrë ndonjë veprim të ushtrimit të funksionit të saj, arrestimit eventual të përfaqësuesve të opozitës, sado arrogante që po duket Qeveria e koalicionit PDK- LDK.
“Marrëveshja mes liderëve është domosdo për tejkalimin e krizës, në të kundërtën do të kemi rritje dhe zgjerim të konfliktit mes pushtetit që tregon arrogancë, duke u thirrur në numra dhe opozitës që tregon arrogancë përmes forcës”, është shprehur Spahiu…