Pas njoftimit se bendi legjendar, “The Who”, do të zhvillojë turneun e fundit, vjen lajmi se rokerët do të incizojnë edhe album të ri.
Rokerët duan të incizojnë këngë të reja gjatë kësaj vere, në mënyrë që t’i performojnë disa prej tyre në koncertet që do të mbajnë në Britani të Madhe.
Albumi i fundit i këtij grupi është publikuar në vitin 2006 (“Endless Wire”), ndërsa ata duan të lansojnë këngë të reja për 50 vjetorin e themelimit.
Deri më tash, anëtarët kanë gati tri këngë, ndërsa janë duke punuar edhe në material të ri.
Roger Daltrey (70 vjeç) dhe Pete Townshend (69 vjeç) e mbajnë grupin të bashkuar pas vdekjes së dy anëtarëve të tjerë, Keith Moon (1978) dhe John Entwistle (2002). Sa i përket turneut, koncertet do t’i mbajnë në nëntë qytete, duke filluar nga Glasgou më 30 nëntor dhe do të përfundojnë në Londër më 17 dhjetor.