Përmes një letre që po qarkullon në rrjetet sociale po kërkohet nga prindërit e nxënësve të fshatit Blaç të Opojës, që fëmijët e tyre të mos i lejojnë të shkojnë në shkollë, për një arsye të pazakontë.
Siç edhe shkruan në letër, përcjell Telegrafi, bëhet fjalë për një kërkesë me anë të së cilës po “protestohet” për mos punësimin e një të riu si teknik/mirëmbajtës në shkollën e këtij fshati, në vendin e babait të tij, i cili vdiq pak ditë më parë.
Kjo është letra:
LUTJE
Të nderuar bashkëfshatar
Ju prindër të dashur
Fillimisht urojmë që të jeni mirë!
Në emër të Prindërve të fshatit Blaç, konkretisht lagjës Prifte, në koordinim me dy lagjet tjera të fshatit, shkruajmë këtë lutje.
Në shkollen tonë “ILmi Bahtiari” siç e dini të gjithë, para disa ditesh fatkeqësisht ndërroi jetë punëtori i pa lodhur i kesaj shkolle, i ndjeri, Aledin Tahiri. Ne si prinder e kemi parë të arsyeshme dhe jemi mobilizuar Fuqishem se vendin e punes duhet ta vazhdojë domosdoshmerisht i biri i tij i pa punë, z. Labinot Tahiri dhe askush tjeter pos tij.
Duke parë padrejtësinë që u bë pikerisht për ketë çeshtje, pra, per vendin e punës, lusim të gjithë bashkëfshatarët, gjegjësisht prindërit e nxënësve të shkollës “ILmi Bahtiari” që në shenjë proteste nga data 18.04.2017 (e martë) mos t’i lejoni t’i vijojnë mësimet fëmijet tuaj, deri në permbushjen e kërkesës sonë.
Se bashku ne mund ta ndalojmë padrejtesinë, e në ketë rast përkrahja juaj do të jetë jetike.
Ju falenderojmë nga zemra, duke ju shprehur respektin dhe besimin tonë të thellë! (sic) /Telegrafi/