Ish kandidati i PDK-së për kryetar të komunës së Prizrenit, Shaqir Totaj po deklaron vazhdimisht së është i gatshëm të marrë detyrën e ministrit, në njërën nga ministritë në të cilat udhëheqë PDK-ja.
Totaj gatishmërinë për t’u bërë ministër e tregoi edhe sot, por nuk tregoi se a do të behët ministër, apo do të vazhdojë vetëm të tregojë se është i gatshëm për tu bërë ministër.
“Unë jam i gatshëm, por nuk mund të them asgjë konkretisht për shkak se zhvillimet janë shumë dinamike dhe është shumë vështirë me parashiku diçka, përndryshe unë jam i gatshëm”, ka thënë Totaj.
Ai këtë deshirë e shprehte edhe gjatë kohës kur PDK-ja diskutonte shkarkimin e ministrit i i Inovacionit, Besim Beqaj, pasi ai ishte përfshirë në aktakuzën e ngritur nga prokuroria, në rastin e 11 të akuzuarve në skandalin e përgjimeve “dosja e shefave”.
“Këto bisedime janë ka zgjasin që një kohë, dhe nuk ka të konfirmune kurgjë. Derisa kemi biseduar për këtë punë d.m.th që jam i gatshëm ta marr përgjegjësinë”, ishte shprehur Totaj.
PDK-ja udhëheqë gjithsej gashtë ministri në qeverinë Haradinaj.
Ministër i financave, Bedri Hamza, ministër i Shëndetësisë Uran Ismajli, ministër i Drejtësisë është Abelard Tahiri, ministër i Kulturës, Kujtim Gashi, Dhurata Hoxha minister e Integrimit Evropian dhe ministër i Inovacionit është Besim Beqaj. /Insajderi.com