Policia e Kosovës ka bërë të ditur se ka arrestuar një person në Prizren, i cili dyshohet se ka ngacmuar seksualisht një vajzë të mitur.
“Me datën 21 qershor, një prind e ka denoncuar në Policinë e Prizrenit një të dyshuar të panjohur ngase vajza e tij dhjetë vjeçare i kishte treguar se përderisa po ecte rrugës i dyshuari i kishte folur e më pas e kishte ngacmuar seksualisht duke e prekur në pjesët intime të trupit”, njofton Policia Rajonale e Prizrenit, përcjellë PrizrenPress.
“Pas paraqitjes së rastit është informuar edhe Qendra për punë Sociale në Prizren”.
“Gjatë hetimit të rastit, policia ka arritur të siguroj imazhe nga një kamerë e sigurisë. Pas kësaj është identifikuar i dyshuari mashkull i vitlindjes 1983 me iniciale F. Xh. I njëjti po mbahet nën masën e arrestit policor”. /PrizrenPress.com/