Nga raporti ditor i Policisë së Kosovës është bërë e ditur se të enjten, në rrugën “Ali Deda” në Prizren, ka ndodhur një aksident trafiku, të cilin e ka shkaktuar një i dyshuar-mashkull, duke e goditur në rrugë një këmbësore. I dyshuari menjëherë është larguar nga vendi i ngjarjes.
Ndërsa, viktima është dërguar për trajtim mjekësor në QKUK dhe e njëjta është jashtë rrezikut për jetë.
“Rr. “Ali Dida”, Prizren 11.05.2017 – 14:40. Lëndime të rënda trupore ka pësuar viktima femër K/Shqiptare (këmbësore), pasi e njëjta gjersa ishte duke ecur në rrugë është goditur nga një veturë në lëvizje e cila pas shkaktimit të aksidentit është larguar nga vendi i ngjarjes”, njofton policia.
Po ashtu të enjtën plagë të rënda ka marrë edhe një person tjetër në një aksident në rrugën “Tirana” në Prizren.