20.8 C
Prizren
E premte, 12 Shtator, 2025

Prizren, hapet ekspozita `Gjenocidi serb në Kosovë 1998-1999

Sot, në Prizren, është hapur ekspozita “Gjenocidi serb në Kosovë 1998-1999”,  realizuar nga prof. dr. Nusret Pllana, Hasan Morina dhe Esat Shala.

 

Bëhet e ditur se në këtë ekspozitë mori pjesë kryetari i Prizrenit, Shaqir Totaj, së bashku me zyrtarë të ekzekutivit, familje të dëshmorëve e martirëve, shoqata të luftës e qytetarë.

Ekspozita, që shfaq imazhe të kësaj periudhe, përfshirë vrasjet makabre të mekanizmit ushtarak serb, rikujton se institucionet e sotme janë pasojë e sakrificës së pashoqe të popullit që kulmoi me luftën e UÇK-së.

“Duhet të jemi mirënjohës e ta çmojmë lirinë dhe shtetësinë si dhe të punojmë fort për ta zhvilluar vendin edhe më shumë. Këtë periudhë të rëndësishme dhe të vlefshme historike, është me rëndësi t’ia kujtojmë gjeneratave të reja dhe inkurajoj qytetarët e Komunës së Prizrenit që ta vizitojnë ekspozitën. Hapja e ekspozitës përkon me fillimin e bombardimeve të NATO-s në caqet serbe 24 vite më parë, që shënoi fillimin e fundit të vuajtjeve të popullit shqiptar në Kosovë, për çfarë jemi mirënjohës të gjithë. Lavdi të të rënëve për lirinë e Kosovës!” – u shpreh kryetari Totaj

Më Shumë

Rasti i 71-vjeçarit që vdiq pasi ra nga Kalaja e Prizrenit, avokati thotë se ka dyshime

Një 71-vjeçar nga fshati Llashkadrenoc i Malishevës, me vendbanim në Prizren, ka humbur jetën mbrëmë pasi u rrëzua nga Kalaja e Prizrenit. Avokati Gent Gjini,...

Të shtëna me armë zjarri në Prizren

Të shtëna me armë zjarri janë dëgjuar dje në Prizren. Policia bën të ditur se në vendin e ngjarjes kanë dalë njësitet policore me ç’rast...

Lajmet e Fundit