Njësiti i Hetimeve të Krimeve Ekonomike dhe Korrupsionit në bashkëpunim me inspektorët Agjencionit Kosovar për Produkte Medicionale, kanë gjetur produkte pa banderola në dy farmaci të ndryshme në Prizren.
Policia njofton se në të dy rastet janë konfiskuar produktet medicinale. Në njërën barnatore vlera e produkteve ka qenë rreth 650 euro, ndërsa në tjetrën 506 euro.
Nuk raportohet për persona të arrestuar, shkruan PrizrenPress.
Njoftimi i plotë i Policisë
KONTRABANDIM ME MALLRA
Prizren 17.07.2017-14:30. Raportohet se NJHKEK në bashkëpunim me inspektorët e AKPM-së kanë kontrolluar lokalin-barnatoren pronë e të dyshuarës femër K-Shqiptare me ç’rast kanë gjetur dhe konfiskuar produkte medicinale pa banderola vlera e të cilave është rreth 650 euro. Nuk raportohet për të arrestuar. Me urdhër të prokurorit rasti shkon në procedurë të rregullt.
Prizren 17.07.2017-15:30. Raportohet se NJHKEK në bashkëpunim me inspektorët e AKPM-së kanë kontrolluar një lokal barnatore pronë e të dyshuarit mashkull K-Shqiptar me ç’rast kanë gjetur dhe konfiskuar produkte medicinale pa banderola vlera e të cilave është rreth 506 euro. Nuk raportohet për të arrestuar. Me urdhër të prokurorit rasti shkon në procedurë të rregullt. /PrizrenPress.com/