22.5 C
Prizren
E mërkurë, 20 Gusht, 2025

Prizren: Nga 100 bursa në mbarë botën- dy i fitojnë maturantët e gjimnazit “Loyola”

Dy maturantë të gjimnazit “Loyola” nga Prizreni janë fitues të bursave e cila ua mundëson atyre studimin në Gjermani. Bursa është ndarë nga Ministria e Punëve të Jashtme e Gjermanisë, si pjesë e programit DAAD (Deutscher Akademischer Austauschdienst- Shërbimi i Shkëmbimit Akademik Gjerman).

Nga mbarë bota çdo vit aplikojnë afër 400 kandidatë për të fituar njërën nga 100 bursat që ndahen për këtë qëllim. Sivjet, këtë fat në Kosovë e kishin dy nxënës të gjimnazit “Loyola”, Getoar Qelaj dhe Ilir Hulaj, ndërsa nxënës të kësaj shkolle bursa të tilla kanë fituar edhe viteve të kaluara.

Aplikantë kanë qenë nxënës nga shkollat gjermane jashtë Gjermanisë dhe nxënës që kanë certifikatë të njohjes së gjuhës gjermane, e njohur si DSD, që nuk janë shtetas gjermanë e të cilët planifikojnë t’i kryejnë studimet në universitetet gjermane, thotë z. Martin Häusler, Këshilltar i Qendrës për shkollat jashtë vendit (ZfA) në “Loyola- Gymnasium”. Sipas tij, bursa mbulon të gjitha shpenzimet gjatë studimeve, ndërsa përfituesit e saj kanë dëshmuar performancë të lartë akademike dhe janë dalluar për sjellje shoqërore në shkollë.

Ndërkaq, edhe një maturant tjetër, Endi Thaçi, ka fituar një bursë të plotë studimi në IBU- International Balcan University në Maqedoni.

Poashtu, kompanitë e ndryshme gjermane çdo vit përzgjedhin një numër të caktuar nxënësish të gjimnazit “Loyola” për të studiuar atje, ndërsa sivjet kjo shkollë do të ndërmarrë një hap tjetër të jashtëzakonshëm- hapjen e Shkollës së Lartë Profesionale “Loyola- Profesional”, që synon të përgatisë maturantët kosovarë për tregun e punës këtu te ne.
/E.S./

Më Shumë

Premtoi ndërmjetësim për prona dhe mori para – Prokuroria në Prizren jep detaje nga arrestimi i zyrtarit të Agjencisë Pyjore

Prokuroria Themelore në Prizren ka dhënë detaje rreth arrestimit të zyrtarit të Agjencisë Pyjore të Kosovës, I.O., i cili dyshohet për keqpërdorim të pozitës...

Gjykata ia cakton një muaj paraburgim Ramadan Morinës, i dyshuar për krime lufte ndaj civilëve shqiptarë në Malishevë

Pas më shumë se katër orësh ka dalë nga gjykata Ramadan Morina, i cili u arrestua të martën nën dyshimin për krime lufte kundër...

Thethi

Lajmet e Fundit