Prokuroria e Krimeve të Rënda ka kërkuar zyrtarisht që edhe ish-kryeministri Sali Berisha të japë dëshminë e tij në lidhje me akuzat e ngritura nga deputeti Tom Doshi për kreun e Kuvendit Ilir Meta.
Në fletën e thirrjes të dorëzuar në Kuvend është caktuar dita e hënë, në orën 9 në mëngjes që ish-kryeministri të dëshmojë si person që ka dijeni për ngjarjen.
Një ditë më parë Berisha deklaroi se ishte i gatshëm të jepte para organeve të drejtësisë të faktet që ishte në dijeni.
Në prokurori do të shkojë edhe deputeti i Partisë Demokratike Mhill Fufi që pretendohet prej Frrokut se do të eliminohej si pjesë e të njëjtit komplot./TV Klan/